الصراحة فى الحب لعبة حلوة اوى الكل يشارك معانا فيها

هههههههههههه وانتى ليه واخدة الغلط على نفسك
اللى على راسه بطحة يحسس عليها
سؤالى لمن بعدى:::::انت فاتح ايميلك ولا لأ؟

ههههههههههههههههههه لا مش اللى بعدك فاتحه بقى اللى على راسة بطحة يحسس عليها

طب فين السؤال؟؟؟؟؟؟؟

يووووووووووووووه نسيت
السؤال:لو حبيبتك حبت واحد صاحبك وكلمته وبعد كدة سابته وعايزة ترجعلك حتوافق ولا لا وانت بتحبها جدا؟

عمرى ما هقبل خالص وهسمعهم اغنية زى بعض لحبيبى هيثم شاكر
سؤالى لمن بعدى::: تفتكرى ان حبيبتى لو عملت كدة تستاهل حبى؟

انت لو بتحبها حتسامحها او تعرف منها السبب اللى خلاها تعمل كدة وبعد كدة احكم عليها
سؤالى:ليه الراجل لما بيغلط بيطلب من حبيبته تسامحه وهيا فعلا بتسامحه وهيا لما تغلط وتطلب منه يسامحها يذلها ويعتبر انها جرحته وقللت من كرامته؟

بصى يا هدير جرح عن جرح يفرق يعنى فيه حاجات ممكن اسامح فيها زى اى حاجة الا الخيانة وعدم سماع الكلام غير كدة كله مقبول وممكن التغاضى عنه اما عن مسألة الكرامة فدى بتختلف من شخص للتانى فيه ناسى زى حالاتى لو اتخانوا ميعرفوش اللى خانهم ابدا وناس تانية ممكن تتنازل وتسامح وانا مش منهم
سؤالى لمن بعدى:::::تفتكر البنت اللى تختار بين حبيبها وصحابها بتحبه ولا لأ؟؟

بص يا اسلام انا من الناس اللى مش بحب ابيع اى حد من اصحابى ولد او بنت علشان الانسان اللى بحبه حتى لو كان اللى بحبه دة اى حد لانى ببقى على اصحابى جدا وخصوصا ان كلهم بيحبونى وبيخافوا عليا معرفش بقى بالنسبة لاى حد تانى حيكون رايه ايه لان كلها اراء.
سؤالى:ليه الراجل بيبقى عايز يعرف بنات زى ما هو عايز والبنت متعرفش ولاد ليه هو بيقول دى صحبتى لكن البنت متقولش الكلمة دى؟

ليه ده عادى جدا يكونلك اصدقاء ولاد وبنات وبرضه القصة بتختلف على شخصية البنت او الولد اذا كانت او كان غيور ثلا فمتقبلشى او مبيقبلشى عمل صداقات
سؤالى لمن بعدى:::::ايه رأيك فى الحب؟

الحب اجمل حاجة فى الحياة بس احيانا بيكون عذاب
سؤالى:انت لو حبيبتك تعرف ولاد غيرك اصحاب يعنى حتزعل وتخيرها بينك وبينهم ولا عادى؟

على حسب نوعية المعرفة وعلى حسب برضه انها تراعى مشاعرى ومتحاولش تكلمهم اكتر من اللازم وفى الأول والأخر لازم تحسسنى انى انا الوحيد اللى فى حياتها
سؤالى لمن بعدى:::: ليه لما بنحب اوى بننجرح اوى؟

يمكن علشان بنختار غلط من الاول
سؤالى:ليه الحب الحقيقى بقى قليل ومش موجود؟

الحب الحقيقى موجود بس لو صدقنا فى مشاعرنا
سؤالى::::ايه اصعب حاجة حصلت فى حياتك؟

انى جرحت انسان غالى عليا اوى بس بجد انا كان نفسى اسعده
سؤالى:ايه احلى موقف حصلك فى حياتك؟

هههههههه احلى موقف حصلى فى حياتى لما سافرت اسكندرية السنة اللى فاتت وحقيقى كانت اول مرة اسافر اليكس واحس انها جميلة اوى كدة يمكمن عشان كنا شلة جامدة وكمان قابلت ناس كتير جدا اعرفهم من الزقازيق وقضينا اسبوع من اجمل ايام حياتى
سؤالى ::::: ليه الجرح سهل على الجارح؟

على فكرة مش بيبقى سهل دايما بيكون صعب بس بيحاول ميبينش مفيش حد بيجرح مبسوط
سؤالى:ايه هيا احلى حاجة بالنسبالك فى الحياة؟

انى اسعد انسان حتى لو هتعذب انا
سؤالى::::ايه هو الحب بالنسبالك؟

الحب احساس راقى من حق اى انسان انة يعيشة بس الاهم انك تحافظ على حبيبك وتعرف ازاى تصونة

سؤالى: هل حبيت من أول نظرة ومتى؟؟

نعم حبيت من اول نظرة كان من سنة و3 شهور لما قابلت خطيبى
سؤالى:ايه اصعب مشكلة واجهتك فى حياتك؟

اي يا جماعة محدش بيرد على الاسئلة ليه؟

اولا انا اسف على تأخيرى فى لموضوع الرائع ده ياهدير
اصعب حاجه قابلنى فى حياىت
لما سيبت الانسانه اللى بحبها وكان غصب عننا
سؤالى ايه اكتر حاجه ممكن تضحبى بيها علشان حبيبك او حبيبتك

ممكن اضحى بكل حاجة بس لما يكون الانسان دة يستاهل حبى وتضحيتى
ميرسى على مشاركتك معانا يا قمر
سؤالى:ليه الحب بتكون نهايته جرح؟

هو السؤال صعب اوى كدة علشان محدش يجاوب عليه؟

اقولك ليه:::الحب اللى بتتكلمى عنه اللى نهايته جرح حالة او حالتين من كل 10 حالات يعنى مش نسبة كبيرة
وانا شايف انك معممة ومخليا كل اللى بيحبوا بعض فى النهاية بيجرحوا بعض
زى ما يكونوا عارفين ان آخرة الحب جرح ورغم كدة برضه بيحبه بعض
طب ما هما لو عارفين مش هيفكروا عمرهم انهم يحبوا
الموضوع ببساطة ان الجرح بيجى لأسباب كتير وفى الأغلب بيكون سبب الجرح خارج عن ارادتهم
دى كل الحكاية يا هدير ياللى متشائمة من الحب انتى وفاكرة انى اى حد اتجرح مرة يبقى خلاص الدنيا وقفت
محمد اتجرح وانتى اتجرحتى وانا بقى بالنسبالى الجرح عادة واعتقد كمان ان اغلب أعضاء المنتدى اتجرحوا قبل كدة لكن موقفتش حياتهم على كدة حبوا من تانى وعاشوا فى سعادة ويمكن اللى اتجرح اتجرح تانى وبرضه حاول تانى ويفضل يحاول لغاية ما يلاقى السعادة هيا الدنيا كدة يوم حلو ويوم مر بس الحلو اكتر وبلاش تشائم يا هدير مش عشان تبعدى فكرة الحب عن نفسك تحاولى تقنعى نفسك ان الحب آخره جرح لالالالالالالالالا الحب حب وآخره سعادة
وفى النهاية اقولك ربنا يوفقك وتحبى وتتحبى وتعيشى فى سعادة

ميرسى يا سلم بس على فكرة انا مش متشائمة للدرجة دى المهم انت نسيت تحط سؤال للى وراك