سَلامَةُ الإنْسَانِ في حلاوةِ اللسانِ
 
الرئيسيةس .و .جمكتبة الصوراليوميةبحـثالتسجيلدخول

شاطر | 
 

 أصـــول الإتـيــكـــيــــت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لؤلؤة الجنة
عضو مميز
عضو مميز
avatar

انثى
عدد الرسائل : 422
العمر : 26
الدولة :
الأوسمة :
تاريخ التسجيل : 18/08/2008

مُساهمةموضوع: أصـــول الإتـيــكـــيــــت   الثلاثاء 09 ديسمبر 2008, 6:01 pm

ازيكم يا أحلى أعضاء
أنا حبيت أجيبلكم انهارده موضوع عن اصول الاتيكيت علشان نقدر نتعامل بيها مع بعض الناس ( اللي عايشين الدور ) Mad
اه صحيح الموضوع ده مفتوح يعني لو نسيت حاجه ممكن بعدين ادخل و اكتبها و اللي عنده اي حاجه بردو تخص الموضوع يريت يفيدنا ( و بلاش بخل ) ندخل بقا في الموضوع علطول علشان مش بحب الكلام الكتيييييييير Very Happy
المرة دي هنتكلم عن البنوته اذا يعني خطيبها عزمها على الغدا او العشا بره
و طبعا ده مش هيحصل بس بردو يمكن ربنا يفتحها عليه

لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد.



أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....




1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا


2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة... بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....



3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....




4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..



5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



6-السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..



8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..



9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....



10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..


أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..



وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
منقووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sasha_sas2002
المشرف العام
المشرف العام
avatar

انثى
عدد الرسائل : 882
المزاج : اكل الشكولاته
الدولة :
تاريخ التسجيل : 17/02/2008

مُساهمةموضوع: رد: أصـــول الإتـيــكـــيــــت   الأربعاء 10 ديسمبر 2008, 2:05 pm

كل الشكر لك على الطرح الجميل ندى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤلؤة الجنة
عضو مميز
عضو مميز
avatar

انثى
عدد الرسائل : 422
العمر : 26
الدولة :
الأوسمة :
تاريخ التسجيل : 18/08/2008

مُساهمةموضوع: رد: أصـــول الإتـيــكـــيــــت   الأربعاء 10 ديسمبر 2008, 8:13 pm

أسعدني مرورك الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
romioo
عضو جديد
عضو جديد
avatar

ذكر
عدد الرسائل : 13
مزاجى :
تاريخ التسجيل : 01/04/2009

مُساهمةموضوع: رد: أصـــول الإتـيــكـــيــــت   الأربعاء 08 أبريل 2009, 10:47 am

يا جامد انت يا بتاع الاتيكيت رائع الموضوع
اتمني تقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لؤلؤة الجنة
عضو مميز
عضو مميز
avatar

انثى
عدد الرسائل : 422
العمر : 26
الدولة :
الأوسمة :
تاريخ التسجيل : 18/08/2008

مُساهمةموضوع: رد: أصـــول الإتـيــكـــيــــت   الإثنين 20 أبريل 2009, 10:55 pm

طبعا يابني انت بتتكلم في ايه

نورت يا باشا الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ahlystar
المدير العام
المدير العام
avatar

ذكر
عدد الرسائل : 3685
العمر : 30
المزاج : رايق
1 : مصر ام الدنيا
تاريخ التسجيل : 14/01/2007

مُساهمةموضوع: رد: أصـــول الإتـيــكـــيــــت   الأربعاء 29 أبريل 2009, 8:59 am

تسلم ايدك يا ندى
هو ده الكلام

_________ التوقيع ________
واحشك اوي نفسك تشوفني قربت من شوقك تموت
واحشك اوي كان فين ده كله لما كنت فيك بموت
ولا هو الي في ايديك بيهون عليك
ما تحسهوش غير لما يبعد عن عنيك
كل ده ودلوقتي راجع تاني ليه جاي متاخر قوي تفكرني بيك
عاجبك كده صعبان عليه كل ده الي وصلت ليه
عاجبك كده بقيت لوحدك هو ده الي حلمت بيه
قلبك قوي خلاك نستني ما قولتلكش نستني ليه
خلاص بقى ما تقولش نرجع احنا لينا في بعض ايه
كل ده ودلوقتي راجع تاني ليه جاي متاخر قوي تفكرني بيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlystar.com
 
أصـــول الإتـيــكـــيــــت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•:*¨`*:•. ][ Arab Club ][.•:*¨`*:•. :: المنتدى العام :: قسم الحوار العام-
انتقل الى: