[center]بدون مقدمات ندخل فالموضوع
الموضوع ده مستفذنى جدااا
وللاسف كلمه بحبك بقت اى عبيط يقولها
واحد خارج كده زى الامور الشاطر
وبيركب الترام "المترو
ومسقط البنطلون لحد ماخلاص البنطولن حيوقع
ومغرق نفسه برفان وهارى شعره "جيل
ركب الترام زى الامور الشطور وفجأه
لقى ادامه بنت من وجهه نظره انها شديده "امكانيات عاليه
البنت تيجى تبصلها تتفجع
المهم الولد بص للبنت البنت مصدقت حد يعبرها
اامت بصاله
الولد ضحك البنت ضحكتله "وعاش دور عمرو دياب ضحكت يعنى حتوديك فداهيه
اام مقربلها البنت قربتله
23 شارع عباس العقاد المفتاح تحت الدواسه
قلها نمره موبايلى "01............."
وهوبه الواد نزل من الترام وبعدين عاش دور الحبيب
وفيوم وليله ولحظه بقى بيبحب
الله الله ياعم قسم وسمعنى يابنى
هو الحب وصل للدرجه دى ؟؟
اللهم صلى عالنبى الحب بقى دليفارى
يوصلك فأى يوم
والواد بقى ياجماعه عايش الدور ومشغل حسام حبيب
فنظره عين عشقت هواك وحبيتك
والبنت عايشه الدور بردو
وباليل بقى
الولد: ايوه ياحيات قلبى "حيات قلبى ايه ياموكوس
البنت: اخ منك ومن كلامك اللى مدوبنى ده "ايه ياوليه ده انتى لسه عرفاه من كام ساعه على كده كمان يومين حتبقى حامل منه"
الولد: حياتنا حتبقى كلها نعيم فنعيم ياحياتى وحتشوفى معايا اللى عمرك مشوفتيه وعمرك ماحتعرفى تغمضى عينك "ماشى ياعم روتانا سينيما"
البنت: عارفه ياحبيبى عارفه ده انا بحبك حب محبوش انسان "الله الله وكمان تامر حسنى دخل فالموضوع"
بقولك ايه ياحياتى معلش حقفل دلوقتى اصل مامى على الويتنج "ههههه مامى ايه تلائيكى فاكره مامى ده سندوتش وفكره الويتينج مطبخ هههههه
وادى حب اليومين دول
واحد شاف واحده
اوبه مسك قلبه والتانيه عاشت دور الحاجه جوليت
وهو عم روميو على الحصان الابيض
ودرجن درجن درجن درجن على جنه الحب الدليفارى
اللى كبر الموضوع فدماغى وبقى منرفزنى اوى كده
هو ان واحدة صاحبتي اااعدت طول النهار حاطه الـ mp3 فودانها
ومشغلة فراق وحزن ونيله خالص وانا مش فايقة
قولتلها يابنتي حرام عليكي خنقتينى ياتوطى شويه يااما تطفى امه
قالتلي اسكتي اسكتي يامنى ده انا مخنووووقه
قولتلها ليه يانيله
قالتلي اصل وانا راكبه الترام من كام يوم
ولد شوفته بس ايه مقولكيش على نظراته
فقولت فبالى " الله يخربيت الافلام اللى بتعمل فالعيال كده"
ها كملي كملي
المهم بصلي وبصتله وضحكلي وضحكتله ....
قومت قاطعتها فالكلام وقولتلها
بس بس عارفه باقى الكلام
قربت منهه وقرب منك وزرغطى ياتفيده
قالتلي عرفتي ازاى
قولتلها بطلي هبل ياهبله
بس وايه علاقه ده بالاغانى الحزينه دى
قالتلي منا من ساعتها مشوفتوش
هيه قالتلي الكلمه دى وانا هيست من الضحك
هيه كانت فاكره بقى انى حقولها معلش وياطبطب وادلع واعمل فيها نانسى عجرم ففيلم الخطايا
تفتكروا الحب حيفضل كده فالزمن الجميل ده
واى واحد ملوش فالبطيخ يقول انا حبيت
وبحبك وبموت فيك وهات ايدى فأديك نحلم سوا على شط الهوا
"الله الله عالشعر ياموني"
على فكره والله الموضوع ده ممكن نخدوه بهزار
بس ابعاده اللى حتحصل لو انتشرت اكتر من كده
والله العظيم حنلاقى مصايب سودا
ربنا يستر على ولايانا
على فكره ممكن الموضوع يوصل لجواز
وشهر شهرين بالكتير
ده حيشوف بنت تانيه ودى حتشوف واحد تانى
وهوبه يحصل طلاق
وهوبه نسبه الطلاق ترتفع
ليه ؟؟
لانه حب واحده محبهاش "افهموها انتوا دى الذكى يفهم"
ولانه مشفش غيرها وهى بردو نفس الوضع
والله العظيم بكره تشوفوا اضرار الظاهره دى حتكون عمله ازاى
يلا بقى قولوا لى اية رأيكوا فى الموضوع ده
عاوزه تشجيييييييييييع
وإلى الامــام دائـــــــــما
بصراحة البنت دي عندها حق ...هههههههههه
![.•:*¨`*:•. ][ Arab Club ][.•:*¨`*:•.](https://i.servimg.com/u/f69/10/09/40/18/fgtr_b10.jpg)
موضوع: الحب بطريقة اليومين دووول....هههههههههههه 
الأحد 04 يناير 2009, 2:54 pm
