الصراحة فى الحب لعبة حلوة اوى الكل يشارك معانا فيها

بصراحة معنديش سؤال دلوقتى دماغى مشغولة
ياريت تحطى سؤال بدالى

اولا بشكركيااسلام على ردك علشان الصراحه انا معرفتش ارد على السؤال ده
واسمحلى احط سؤال بدالك
ازاى تقدر تنسى جرح حد انت حبيته لدرجه متقدرش تنساه فيها؟

انا دلوقتى بس عرفت الحل علشان تقدر تنسى جرحه يبقى لازم تعيش تجربة جديدة
سؤالى: لو حبيتبك جرحتك جرح كبير اوى وطلبت ترجعلك حتقولها ايه؟

هقولها هردهلك مش هنسهالك
سؤالى::تفتكرى اصلا انها بعد ما جرحتنى انا ممكن افكر ارجعلها؟ ده على جثتى

مهو انا لو عارفة مكنتش سالت السؤال يا اسلام بس يعنى يتهيالى لو بتحبها جدا ممكن تغفرلها اى حاجة وتسامحها
سؤالى: لو انت بتحب واحدة وصاحبك بيحبها وهيا بتحبك انت حتعمل ايه؟

لو حبى ليها او حبها ليا كان واضح من قبل ما يدخل صاحبى فى الموضوع فأنا بكدة هطلب منه انه يبعد
اما لو انى جيت متأخر وهو كان بيحبها قبلى فأنا بدون تفكير هنسحب حتى لو كانت هيا بتموت فيا
وفعلا الحكاية دى حصلتلى بس كانت واحدة بحبها وصاحبتها حبتنى جدا وكانت عايزة تزيحها من طريقها عشانى
بس لأنى كنت بحب البنت الأولى فأنا فى النهاية خسرت الأتنين
على فكرة سؤال جميل اوى يا هدير بس المشكلة ان فيه بنات ممكن ترضى تبقى بقلبين زى ما فيه ولاد برضه ممكن تبقى بقلبين وتلاتة واربعة
سؤالى::::لو فى يوم زعلتى جامد مع حبيبك وواحدة صاحبتك لما صدقت وقالتلك انها بتحب حبيبك اوى ونها مستعدة تكلمه هيا اول ما تسيبوا بعض هيبقى ايه ردك عليها؟

حشتمها طبعا ولو هو بيحبنى حقولها هو مش حيبص لواحدة زيك اصلا اصل انا مش بحب حد يعمل معايا الحركة دى مع انها حصلت معايا قبل كدة بس هو رجعلى انا وسابها ودلوقتى سيبنا بعض
سؤالى: لو حاسس انك مش بتحب الانسانة اللى انت بتكلمها ومش عايز تجرحها حتعمل ايه؟

احم احم
انا جييييييييييييييت اسمحيلى ياانسه هدير اجاوب على السؤال بعد اذنك يعنى
انا لازم اقولهالها بطريقه تزعلها منى علشان انا لو قلتهالها بطريقه كويسه ممكن الموضوع يتطور معاها اكتر زيبقى كده انا بنيلها مش بحلها وعاما هى بعدين هتفهم ان ده هو الصح
سؤالى
لو انت عارف ان حبيبتك او حبيبك بيحبك اوى بس مش بيعرف يوضحلك لا بالكلام ولا بالافعال بس انت عارف ومتأكد انه بيحبك تعمل ايه؟

اولا احب اجاوب على سؤال هدير لأنك دخلت معايا فى الرد فى نفس الوقت يا محمد
ومع انه سؤال صعب بس احب اجاوب واقول انى اللى المفروض انى اعمله لو انا فى مكانه انى اوجهها واقولها الحقيقة احسن ممن انى اعيشها فى وهم وافضل اخدعها
بالنسبة لسؤالك يا محمد:::فأنا لو متأكد انه بيحبنى هبدأ انا بالخطوة الأولى>>>> سؤال سهل اوى

سؤالى:::تفتكروا ايه اصعب حاجة فى الحب؟

ميرسى على الرد ياسلم
اجابه سؤالك الفراق اصعب حاجه فى الحب >>>> سؤال سهل اوى
سؤالى لو كنت انا بديت بالخطوه الاولى كتير وهو متغيرش عمل ايه؟؟ ياريت تجاوب يااسلام لان انت مفهمتش السؤال المره اللى فاتت

اه انت قصدك انكوا بتكلموا بعض بس المشكلة انه خجول شوية ومبيعرفش يقول بحبك والكلام ده
احب اقولك انك ممكن تاخده خطوة خطوة ومتخليش الخجل ده يضايقك بالعكس ده حاجة جميلة اوى انك تحب حد خجول بالشكل ده مع العلم انك متأكد من حبه ليك
لكن حاول خطوة خطوة تأخدها عليك ومتحسسهاش انك غريب
قولها انك غير اى حد ومش المفروض انها تخجل منك والمفروض انها تقولك على كل حاجة
ارجو انى اكون فهمت السؤال صح وتكون الأجابة كويسة
سؤالى:::::لو جه فى يوم حبيبك قالك انه لقى حد افضل منك وعايز يرتبط بيه ايه ردك؟

هقول له روح ارتبط بيها ربنا يوفقك
لأن هو اللي اختار ده
بس أكيد هبقا مجروحة منه
و مش هقدر أسامحه

سؤالي // لو حبيبك كدب عليك و انت اكتشفت كدبه تعمل ايه و تواجهه ازاي ؟؟؟؟

حساله الاول عن الحاجة دى لو لقيته اتغير حقوله طب ليه بتكدب من الاول وحلومه بس لو اعترف حسامحه لو ماعترفش حزعل منه شوية وبعد كدة خلاص.
سؤالى: لو عرفت ان حبيبتك بتكلم واحد تانى غيرك وقالتلك احنا اصحاب حتعمل ايه؟ السؤال لبنت او لولد اللى يدخل يجاوب

اتأكد الاول علشان مظلمهاش ولو اتأكدت انها بتكلم حد تانى حنسب من حياتها نهائيا وبدون رجوع
لانى مقبلش ده وكمان اكيد اللى هى بتكلمه ميقبلش ده لانها غالبا هتعمل معاه نفس اللى عملته معايا
سؤالى لو كان الحد اللى هى بتكلمه ده صاحبك اوى وهو عارف انكو بتحبوا بعض يكون رد فعلك ايه؟

وشكرا اسلام على الرد التانى لسؤالى اللى فات والاجابه مظبوطه تمام وان شاء الله ححاول انفذ

مهو انت مفهمتش سؤالى انا بقول انهم اصحاب واخوات مش اكتر

اسف انى مفهمتش سؤالك
لو صحاب واخوات مش اكتر يبقى مفيش مشكله بس فى حدود
انتى مجاوبتيش على سؤالى

حسالها ليه عملت كدة اما حبيبى فحساله بيحبها هيا ولا انا ولو بيحبها هيا حقوله ربنا يوفقك معاها وانا حبعد
سؤالى: لو بتحب واحدة مش بتحبك ولقيت حد بيحبك وانت مش بتحبه تختار مين؟

اللى بيحبنى لانه هيقدر يحسسنى بالحب الصادق لكن اللى مش بيحبنى رغم انى بحبه مش هيقدر يعمل كده
سؤالى
امته الحب يقدر يغير معالم شخصيه الانسان بجد؟

لما بيكون حب حقييقى وصادق
سؤالى: مين اكتر واحد بتحبه فى المنتدى؟

يخرب بيت اسئلتك
ليه الاحراج ده
عاما انا اكتر واحد بحبه فى المنتدى اسلام
هدير
لؤلؤه الجنه
سؤالى بقى
نفس سؤالك وجاوبى بسرعه

لما انت تجاوب على السؤال صح انا قولت اكتر واحد يعنى واحد بس

الاجابه باينه
اسلام
مستنى ردك انتى بقى

بصراحة ومن غير زعل يا جماعة هما اتنين بجد نهى واسلام غلاوتهم عندى واحدة
سؤالى:ايه هيا الحاجة اللى ممكن تعملها وتندم عليها؟

انى اغضب ربنا
سؤالى ايه الحاجه اللى تعمليها وتتشرفى انك عملتيها بس مش قادره تعمليها؟

طب ازاى حعملها ومتشرفة انى اعملها ومش قادرة اعملها