ادخل واضحك من قلبك

واحد رخم بيصلي وسمع إتنين بيمدحوا صلاته راح قاطع الصلاة وقالهم: وكمان صايم

واحد غبى حبيتين عينوه مدير ملجأ أيتام اول قرار اخده اجتماع لأولياء الامور

واحد عنده مزرعة فراخ وكانت فاشلة جدا راح لمهندس زراعي وقاله: أنا مش عارف أزرع الفراخ, زرعتها من رجليها مطرحتش زرعتها من جناحها مطرحتش زرعتها من دماغها مطرحتش. المهندس قاله: روح هاتلي عينه من الأرض

واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين

واحد باشا دار عليه الزمن وافتقر حب يشتغل, إشتغل بياع فجل وجرجيرطول النهار واقف فى السوق ولابس طربوش وبينادي: فجل يا حوش .. جرجير يا كلاب

اتنين مساطيل واحد سال التاني هو النهارده السبت و لا الحد قاله الاتنين قال ماشاء الله هما بقو سوا
واحده ست اشتركت فى من سيربح المليون جوزها طلقها عشان اتصلت بصديق

كان في واحد شكله وحش قوي قوي قوي عايز يتجوز فراح واتقدم لواحده, فبيقول لأبوها :انا يا عمي بلا فخر عملت نفسي بنفسي
قاله: ما انا برضه بقول استحاله تكون خلقه ربنا

واحد مسطول راح صيدلية يشترى جبنة حاول الصيدلى يفهمه ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

ههههههههههههههههههههه

ياعم سيبك منة دا غبى ادينى بنص جنيه لانشون

جامده جدااااااااا والله ميرسى ياهدير على النكت دى
من زمان الواحد مضحكش والله

كل متكون عايز تضحك قولى بس وانا حخليك تضحك هههههههههههه ميرسى على المرور

يبقى كده هتقل عليكى اوى
اصلى انا بحب اضحك علطوووووووووول
عموما ان شاء الله هبقى انا اضحكوا برضه اشمعنا انتى

خلاص وانا مستنية علشان بجد بقالى كتير مضحكتش وعايزة اضحك

من عيونى قابلى الموضوع ياستى وانا بهديهولك

ميرسى ليك يا قمر

انت تأمر ياجميل ويارب تعجبك

الامر لله يا محمد

» ادخل واضحك
» ادخل واضحك مع الصعيدى
» (حوار عروسين في اول يوم )ادخل واضحك ههههههههه !!
» شوية نكت حلوين اوى ادخل واضحك ههههههه
» اضحك من قلبك