ازاى تبقى ارخم انسان على وجه الارض ادخل وشوف

اولا: أزاي تبقي غلس
ازاى تبقى خنيق طحن لحد ما تنضرب علقة سخنة

قول نكته طويلة أوى وتعالى عند أخرها وأعمل نفسك نسيتها

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

• لما حد يشكى لك من حاجه قوله أنا عندى مشاكل أكتر منك

•فى مطعم بص للناس اللى على التربيزة اللى جنبك وهى بتاكل ودقق أوى

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا

• و انت بتتكلم مع واحد متبصش فى وشه خالص

• واحد تانى بقى دقق فى ملامحه بص لودانه وشعره وكده

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

• مش كده وبس أى حاجة تقابلك فى سكتك طبل عليها

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية و ممكن كمان لو ماتش و كورة جامدة كده ممكن تبقى جون تقوم تغير القناة او تشد الفيشة بسرعة كده مثلا

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

• أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423
طبعا مش محتاجة اقولكم ممكن يتعمل فيكم ايه بعد كدة

هههههههههههههههههههههه
حتة الدى جى دى فعلاً لما حد كان بيعملها معايا كنت ببقى عايز اقتله
تسلم ايدك يا هدير
شكلك عيزانا نروح الأستقبال

ههههههههههههههههه انا مالى انا هو انا اللى بقولوكم تغلسوا ما انتوا اللى عايزين دى مجرد طرق ونصايح ههههههههههههههههههههههه انا ماليش دعوة انا

نصائح جامده يا هدير يا قمر
هههههههههههههههههههه
تسلم ايدك انا هاخد بيها واول حد هعملها معاه اسلاااااااااااااااااام

ههههههههه
عاجبك كدة يا هدير؟؟
أديكى هتودى تغريد فى داهية لو فكرت بس تعمل حاجة من دى

محدش يقدر يعملها حاجة يا اسلام طول ما انا موجودة اعملى اللى انتى عايزاه يا تغريد و فى اى حد وانا معاكى مش تقلقى

اهو بقوا اتنين اللى هيروحوا المستشفى
حد قال انا جاى؟

هههههههههههههههههههههههههههههه