أخواتى وإخوانى ...بين أيديكم الآن حملة (لوعايز ترضى ربك ..قوم لِم شمل عيلتك )أو ( أرحام فى دائرة الآثام ) 
السلام عليكم ورحمة الله وبركاته :
كما وعدنا :: حملة من أقوى الحملات باذن الله واسمها :
اخواتى واخوتى ...والله بكلمكم من قلبى ويمكن أكون أنا أكتر حد عانى من :قطيعة الرحم ...وصدقونى انا ياما اتظلمت ويمكن من أقرب الناس لى...وكنت فى كل ليله أنام ودموعى على خدى ...فكرت فى كلام ربنا({فَهَل عََسيُتم إِن تَوَليتُم أَن تُفِسدُوا فِي الأَرِضِ َوتُقَطِعُوا أَرحَامَكُم) وكمان ◄ قال تعالى : ( واتّقُوا الله الَِّذي َتسَا~ءَلُونَ بِهِ َوالأَرحَامَ إِنَّ الله كَانَ عَلَيكُم َرِقيبًا ) .
الكلام وجعنى جدا وعلشان كده أنا جيت النهارده علشان أتفق معاكم ونعمل صفقه رابحه مع ربنا ..كل واحد مقاطع أهله أو أى حد من أرحامه ..تعالوا ..تعالوا بسرعه ..حطوا إديكم فى إيدى ..قبل فوات الآوان تعالوا معايا الأول نتعرف على فضائل صلة الأرحام وكمان عواقب قاطع الأرحام ...والأيات السابقه لو فكرنا فيها هانعرف اننا جميعا هانُسأل والله عن قطيعة صلة الأرحام ازاى يكون لى أقارب وانا مقاطعهم...ازاى أغضب ربنا....؟؟؟
طيب ماأنا بكلمهم فى التليفون...وده ينفع برضوه يعنى لو إبنك وللا بنتك مسافرين مكان بعيد مش ها تروح تشوفهم ..يبقى ازاى تقعد شهور ما تشوفش الناس اللى ربوك وتعبوا فيك ودمهم بيجرى فى عروقك ؟؟
يعنى انتى عايزانى أسيب شغلى وأولادى وأقطع مسافه طويله علشان أقولهم أزيكم ..!!!
وليه لأ ...انت بس فكر فى الموضوع فضى نفسك يوم واحد بس على حسب مقدرتك يعنى مره فى الشهر او مره كل أسبوع ..المهم تبل صلة الرحم بل ......زى ماقال علمائنا الأفاضل ..فهذه المقوله سمعتها من الشيخ محمد حسين يعقوب بالتحديد فى برنامج فضفضه وسأله واحد انه له أقارب مقاطعينه وهو حاول ان يوصلهم وكانوا بيقفلوا الباب فى وجهه ..عارفين كان رد شيخنا الفاضل إيه ..؟؟ قاله روح تانى وتالت ..قاله ياشيخنا طيب حفاظا لماء الوجه ...قاله برضوه روح وإوصلهم ..المهم أن تبل صلة الرحم بل..(يعنى ما تسيبهاش تجف من القطيعه ولو بالود القليل ...) وبعدين دلوقتى فى زماننا ده مش اقارب بس اللى مقاطعين بعض ..ده احنا بنسمع عن مقاطعة الآباء والأمهات كمان ...يعنى مين اللى فاضل لك بقى بعدهم ...ده ربنا قال عنهم فى كتابه العزيز :( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا) أحسن إليهم يمكن ربنا يرحمك فى كبرك ويحنن قلب ولادك عليك .
طيب سؤال ..بقالك قد ايه ماشوفتش عمك وعمتك ..وخالك وخالتك.. اللى فى البلد ..؟؟...يعنى حوالى ....!!!!اه :::!!
شوفت بقى انت مقصر ازاى ..؟؟
بس انا جايه النهارده علشان أقولك تعمل ايه ..بس استنى شويه لما نشوف المتخاصمين دول :
تعالى هنا ...انتى ياأختى ياللى مخاصمه أختك من رمضان اللى فات ...
-ماهى غلطت فيّه ومستحيل أسامحها أو أبص فى وشها ..ليه كده ياحبيبة قلبى ده ربنا بيسامح ...
-أيوه ونعم بالله بس انا بشر مش إله ...!!!
والله انا حاسه بيكى ياغاليه ..ممكن
الإنسان يكون اتصدم فى أحب إنسان لقلبه وفى لحظات ضعفه يقول مش هااكلمه تانى ومش عايز أشوفه...وفى أثناء ثورته دى ممكن يتقابل معاه والله صدقونى ياأخواتى هتلاقى نفسك واحد تانى وانت اللى ها تبادر بالسلام عارف ليه ..؟لأنكم دم واحد.
[/center]
عقوبة قاطع الرحم
" قاطه الرحم لا يدخل الجنة "
ياألله ....يعنى أكون مسلم وموحد بالله وأصوم وأصلى وأزكى وأحج وأعتمر وفى النهايه يتشطب على كل أعمالى وأتساوى بالكفار والعصاه .. وأكون معاهم فى النار ...يارحمن!!!!
.دى لوحدها كارثه ...يارب إرحمنا
◄ قال رسول الله صلى الله عليه وسلم : ( لا يدخل الجنة قاطع ) قال سفيان يعني قاطع الرحم . رواه البخاري ومسلم .
◄ قال رسول الله صلى الله عليه وسلم : ( ثلاثة لا يدخلون الجنة , مدمن الخمر ,وقاطع الرحم , ومصدق بالسحر ) رواه أحمد وابن حبان .
قاطع الرحم لا يقبل عمله
◄ قال رسول الله صلى الله عليه وسلم : ( إن أعمال بني آدم تعرض كل خميس ليلة الجمعه . فلا يقبل عمل قاطع رحم ) رواه أحمد
يعنى ممكن رمضان... صيامك وقيامك وتسابيحك..وختمك للقرءان كل ده ما تقبلش ...ياألله..دى كمان تبقى كارثه والله .
قطيعة الرحم من أبغض الأعمال
◄ سئل رسول الله صلى الله عليه وسلم : ( أي الأعمال أبغض إلى الله , قال : الإشراك بالله ثم قطيعة الرحم ) رواه ابو يعلي بسند جيد .
وأسمع دى كمان ...يارب سلم :
عقوبة ووزر قاطع الرحم في الدنيا والآخرة
أولاً: في الدنيا
1. لا يرفع له عمل ولا يقبله الله
2. لا تنزل الرحمة على قوم فيهم >قاطع >.الشر يعم والخير يخص، فلاتنزل رحمة على قوم فيهم قاطع رحم، ولهذا يجب التواصي ببر الآباء وصلة الأرحام،والتحذير من العقوق، فإذا فعلوا ذلك سلموا من هذه العقوبة.
3. تعجيل العقوبة للعاق في الدنيا قبل الآخرة
4. أبواب السماء مغلقة دون قاطع الرحم
ثانياً: في الآخرة
1. لا يدخل الجنة مع أول الداخلين
2. لا تفتح له أبواب الجنة أولاً.
3.يدخر له من العذاب يوم القيامة مع تعجيل العقوبة في الدنيا إن لم يتب أويتغمده الله برحمته
4. يُسف المَلّ، وهوالرماد الحار
والله حاجه تخوف وترعب ..طيب عايز تعرف ازاى توصل رحمك
تعالى معايا ... :
[b]
[/b]
[b]بم توصل الرحم؟[/b]
[b]أولاً: صلة الرحم العامة
1. التناصح والتشاور.[/b]
[b]2. التوادد.[/b]
[b]3. العدل والإنصاف.
4. القيام بالحقوق الواجبة والمستحبة على قدر الطاقة.
5. التعليم، والإرشاد،والتوجيه.
6. الأمر والنهي.
7. الشفاعة الحسنة.
8. تحمل الأذى.
9. كفُّ الأذى عنهم، وهذا أضعف الإيمان أن يكفَّ الإنسان أذاه عن إخوانه المسلمين.
والأدلة على ذلك كثيرة جداً، فمن القرءآن:
1. "إنما المؤمنون إخوة فأصلحوا بين أخويكم".[25]
2. "واخفض جناحك للمؤمنين"{26{
[/b]
[b]ومن السنة:
1. "المؤمن للمؤمن كالبنيان يشدُّ بعضُه بعضاً"[27]،وشبَّك بين أصابعه.[/b]
2. "مثلُ المؤمنين في توادِّهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى".[28]
3. "المسلم أخو المسلم لا يخونه، ولا يكذبه، ولا يخذله، كل المسلم على المسلم حرام عرضه، وماله، ودمه، التقوى ههنا، بحسب امرئ من الشر أن يحْقِر أخاه المسلم".[29]
ثانياً: صلة الرحم الخاصة
وهم جميع القرابات من جهة النسب، من قبل الأم والأب، وهؤلاء صلتهم عامة كذلك وخاصة:
أ) الصلةالعامة
وهي شاملة لجميع حقوق الصلة لعامة المسلمين التي ذكرناها آنفاً.
(ب) صلة خاصة
وهي زيادة حقوق على حقوق المسلم العامة
وهذا يحصل بـ:
1. السلام.
2. طلاقة الوجه، التبسم.
3. كف الأذى.
الحد الأعلى:
وهذا يحصل بـ:
1. الزيارة.
2. عيادة المريض.
3. الإهداء.
4. الإنفاق على المعسرين.
ولو لسه مش مقتنع انك توصل رحمك تعالى إسمع للشرائط دى : [center]
[center]
إتفضل الشرائط :
صلة الرحم
بصمة في قبر
الصلح خير
قاطع أخته عشرين عام فارسلت له قصيده (( مبكيه))... ثم رد عليها .. + أنشودة
صلة الأرحام (الشيخ عبد المحسن القاسم ):( صلة الرحم ) للشيخ : (مصطفى العدوي)
صلة الأرحام(20/9/2009) فى رحاب الرحمة(صلة الأرحام)للشيخ مسعد أنورقلبي غضبان عليك يا بني - دموع أم 4 (عبرة)صلة الرحم (قبسات ونسمات)رضا الوالدينكيف تمنع زوجتك من زيارة والدها !طاعة الوالدينوبالوالدين إحسانادموع ام***مصمم على القطيعه ...ها تعيش فى ظلام وحيره ***
[center][size=25]
وهذه قصه واقعيه ...حدثت بالفعل وصاحبتها أوصتنى أن أقدمها لكم للعبره
[center]
شاب تزوج فى بيت أسرته ...تزمرت زوجته من عيشتها فى بيت حماتها
شيلت الزوج من أمه وأخواته ..أقسم انه ما يدخل البيت ارضاءا لزوجته
ترك الأهل ...ترك طفولته وحياته ...ترك أمه التى ربته وأرضعته ..ترك أبوه الذى
راعاه وعلمه ...ترك أخواته اللى ترعرع فى حضنهم ارضاءا لزوجته ....
ومرت الأيام والسنوات والإبن لم يدخل بيت العائله ..ومصر على عقوقه
علم بمرض والده ..لم يتحرك ...علم بمرض أخيه الأكبر ...اخواته استرضوه
كثيرا ليترك عناده جانبا ويشاهد أخاه لعلها تكون أخر مشاهده ...رفض
وقال أنه أهاننى ومستحيل أشوفه .. ..الى أن حدثت المفاجأه ...
توفى الأخ الأكبر ...وترك له الدنيا بما فيها ...لم يصدق الأخ الأصغر
وجاء البيت بعد أن ...بعد أن تركه الحبيب والأخ الأكبر و الحنون ....
أتدرون ماذا فعل هذا الشاب ...ظل يصرخ وكاد أن يشج رأسه فى الحائط
من شدة حزنه وندمه وعدم تصديقه لخبر وفاته ...فلماذا ..لماذا نسوف الصلح والغفران
والسماح لأخواتنا وأهلينا .. افيقوا .قبل فوات الآوان ...؟؟
ودى قصه واقعيه حدثت لأخت لى فى السكن
..قالت لى فى بداية زواجى ..كنت زوجة الإبن الكبير لفتره طويله ...وبعد زواج الأخ الأصغر ..تغيرت أشياء كثيره كنت متعوده عليها من أهل زوجى ..وأصبح الإهتمام الأكبر بالزوجه الجديده ..وطبعا كان فيه فارق فى السن بينى وبينها .. كنت أعاملها كأختى الصغرى ولكنها حاولت أن تتخطى هذه السنوات وتعاملنى كسلفه لها ..وما ادراكم ما معنى كلمة سلفه هذه ...؟؟؟المهم دون الخوض فى تفاصيل ...الأخين قاطعوا بعض ...وأقسمت لى أنها مسكت التليفون وقالت لهم ياجماعه أنا مسامحه فى حقى ومش عايزه الأخوات يخسروا بعض علشان مشاكل بسيطه ..وتغاضت عن كل ما حدث لها من ظلم وأكدت لى أنالطرف الأخر متصور الى الأن أنها علشان حست بغلطها بادرت بالصلح ..قالت أنا بعامل ربنا ..ومش مهم رأى الناس فيه ...والحمد لله علاقتهم جيده جدا الآن بفضل الله..والأخوات علاقتهم أفضل من الأول بكثير .
*لو مصمم على القطيعه ...تنتظرك أيام عسيره*
ياما فيه كتيير أقلام.....أصحابها ناس أعلام
كتبوا عن الأرحام... .......أكيد أحلى كلام
وأنا قليم صغييير... ........بين هذه الأقلام
نفسه يقول كتييير........... لقاطع الأرحام
ياقاطع الأرحام............سامحنى ع الملام
........ .. .. إزاى تعرف تنام ...............؟؟
إزاى وأنت بتزرع .........فى دنيتك ألغام
وبتنشأ جيل بيقلع ...........الحب والسلام
ولاعمره مره يخضع ....لمبادىء الإسلام
جيل بس عرف يرفع... ...فى وجه أخوه السهام
جيل عمر قلبه ما يخشع....... للحب وللوئام
ياقاطع الأرحام...............إزاى تعرف تنام
إزاى وأنت وأخوك ....مشتركين ف الخصام
إزاى وأنت وأخوك .....متشاطرين فى الآثام
إرجع معايا وإحلم............. بيوم من الآيام
وأنت فى حضن والدك ...ومعاك أخوك وعمك
وحضن الدافيه أمك........ وأخت شايله همك
وليه بتدى ودنك للى........... بأفكاره سَمك
إسمع للّى حَبك .................وِلِم َشمل أهلك
إفتح لى يلّلا قلبك ......وسيبك م اللى شاغلك
إرجع قوام لحضنهم..... ...وأشعر بسحر دفئهم
ماتقولش جرحوا فؤادى ...ومش ها أنسى حقدهم
ولاتقول السنه دى............ياما عانيت ظلمهم
قول هاأسيب عنادى .......ده انا نبضى نبضهم
قول هأبدأ م الليله دى..... ...وأبحث عن ظلهم
وها أسيب حزنى وسهادى......وأرجع لحضنهم
هاأبحث عن طيبه ساكنه...... ف عيون بتحبهم
هاأبحث بشوق ولهفه .........لازمنى فى بعدهم
خلاص ..خلاص ..ياقلبى....... هاأرجع أضمهم
وها أرجع أحس تانى.............. بنبض بقلبهم
من انا دمى دمهم ..............وفرحى فى قربهم ...هاأنسى خلاص القسيه ...........وهااواصل ودهم
وها أسيب بقى الأيام ..............تعالج نفسهم
خلاص بقى مش هااكابر ......ما أنا لسه بحبهم
دلوقتى بس ها تعرف تنام........ياقاطع الأرحام
لما تسيب الخصام....... ......والله ها تعرف تنام خد خطوه للأمام...................وأخرج من الظلام
وأكيد ها ترضى ربك ........... وكمان خير الأنام
قوم قوام إوصل الأرحام
ووفى الختام ...أسأل الله العظيم أن يؤلف بين قلوب المسلمين وأن يهديهم سبل السلام ويجنبهم الفتن والآثام ونسألك اللهم قلبا سليما ولسانا صادقا ونسألك شكر نعمتك وحسن عبادتك ونسألك من خير ما نعلم ونعوذ بك من شر ماتعلم ونستغفرك لما تعلم ,إنك تعلم خائنة الأعين وما تخفى الصدور وصلى اللهم وسلم وبارك على محمد صاحب القلب السليم والقدر العظيم ,وعلى أله وصحبه الطاهرين الطيبين وعلى من تبعهم بإحسان الى يوم الدين .وجزاكم الله خيرا .و
والسلام عليكم ورحمة الله وبركاته [/center]
[/size][/center]
[/center]
[/size][/center]
[/center]
![.•:*¨`*:•. ][ Arab Club ][.•:*¨`*:•.](https://i.servimg.com/u/f69/10/09/40/18/fgtr_b10.jpg)
موضوع: حملة (لو عايز ترضى ربك ..قوم لِم شمل عيلتك ) أو( أرحام فى دائرة الآثام) 
الإثنين 17 مايو 2010, 2:10 pm
